Достық үйінде Санитариялық-эпидемиологиялық қызмет қызметкерлерінің кәсіби мерекесіне арналған салтанатты іс-шара өтті.
Іс-шара барысында қызметкерлерге жылы лебіздер айтылып, санитариялық-эпидемиологиялық қызметтің жұмысы туралы бейнематериалдар ұсынылды. Сондай-ақ кәсіби шеберлігі, адал еңбегі және ортақ іске қосқан үлесі үшін бірқатар қызметкерлер марапатталды.
Санитариялық-эпидемиологиялық қызметтің қалыптасуы мен дамуына елеулі үлес қосқан ардагерлерге де ерекше құрмет көрсетілді.
Салтанатты бөлім мерекелік концерттік бағдарламамен жалғасты. Барша санитариялық-эпидемиологиялық қызмет қызметкерлерін кәсіби мерекелерімен құттықтаймыз! Сіздерге зор денсаулық, отбасыларыңызға амандық, еңбектеріңізге табыс пен жаңа жетістіктер тілейміз!
