13 наурызда Қарағандыда облыстық волонтерлер форумы өтті. Іс-шараға өңірдің белсенді жастары, волонтерлер мен қоғам қайраткерлері қатысты. Бүгінде облыстағы волонтерлік қозғалыс 4 мыңнан астам адамды біріктіреді.
Форум Қазақстанның жаңа Конституциясы жобасын қабылдау жөніндегі референдум қарсаңында ұйымдастырылды.
Іс-шара барысында «Сарыарқа волонтерлер партиясы» қабылданып, волонтерлік қызметтің әртүрлі бағыттарында жұмыс істейтін үздік ұйымдар 9 номинация бойынша марапатталды.
