Теміржолшылар мәдениет сарайымен біріктірілген «Жаңа Майқұдық» және «Жастар» мәдениет үйінің жетекшісі – Серік Бейсембайұлы Мұқанов
Ол 1937 жылдан бастап мәдениет пен өнердің жалғыз орталығы ретінде қызмет ете бастады.
Алғашқы күннен бастап «Теміржолшылар мәдениет сарайы» барлық теміржолшылардың демалу орнына айналды. Мемлекеттік және кәсіби мерекелерге арналған мерекелік демонстрациялар мен көпшілікке арналған мерекелер мәдениет сарайының алаңында өтті.
Екінші дүниежүзілік соғыстың қиын кезеңінде, барлық ұлан-байтақ мемлекеттің халқы Отан қорғауға ұрыс даласында және тылда жүргенде, 1942-1943 жж. аралығында, мәдениет сарайының ғимаратында № 3414 эвакуациялық аурухана орналасты.
Соғыстан кейінгі алғашқы жылдары, ұжымдар мен көркемөнерпаздар шығармашылығының үйірмелері жұмыс жасай бастады, бұл үйірмелерге жер аударылып келген кәсіби әртістер, хореографтар, режиссерлар жетекшілік етті.
Ардагер теміржолшылардың айтуы бойынша: «Демалу кештері аншлагпен өтетін еді. Теміржолшылар өз клубтарын мақтан тұтты және демалыстарын осында өткізді ». Көптеген жылдар бойы олар кәсіби деңгейде жұмыс істеді: драма театры, үрмелі оркестр, би топтары. «Теміржолшылар мәдениет сарайы» жанынан кәсіподақ кітапханасы және спорт секциялары жұмыс істеді.
Көптеген жылдар бойы шығармашылық топтар теміржол ауданын облыстық, қалалық және аудандық көрмелер мен байқауларда мадақтады.
«Теміржолшылар» мәдениет сарайы кәсіби әртістерге айналған өздерінің көркемөнерпаздар ұжымы қатысушыларымен әбден мақтана алады. Халық әртістері Марат және Рашид Мұсабаев жерлестерімізді ерекше мақтан тұтамыз.
Көптеген жылдар бойы «Теміржолшылар» мәдениет сарайы «ҚТЖ ҰК» АҚ – «Қарағанды тасымалдау бөлімі» филиалының қарамағында болды. 1986-1987 жж. көптеген жаңа ұжымдар ашылды: бұл ардагерлер хоры және соғыс және еңбек ардагерлерінің клубы (жетекшісі – Коробко Л.П., Исаева Л.Ф., Резвых Г.В.), орыс әндерінің хоры (алғашқы жетекшісі – Рыль С.Г., Голомянцев Ю.), үрмелі аспаптар оркестры (жетекшісі – Гудыма В.В. ), «Терпсихора» бал билерінің ансамбілі – (алғашқы жетекшілері Сергей және Ольга Кисилевскийлер), цирк студиясы, вокалдық топтар, би ұжымдары, ВАА. Сахна костюмдерін тігуде, топтарды музыкалық аспаптармен және құрал-жабдықтармен жабдықтауда «Қарағанды жол бөлімшесі» мен Д.Серіков бастаған теміржолшылар кәсіподағының басшылығы үлкен көмек көрсетті.
Мәдениет сарайының 80-90 жж. жұмысы концерттік бағдарламамен саяхаттауға, тәжірибе алмасуға мүмкіндік болғандығымен ерекшеленді. Біздің шығармашылық ұжымдар Кемерово, Калинин, Шу, Щучинск, Бурабай, Астана, Шымкент, Жамбыл, Алматы, Теміртау, Шахтинск, Балхаш, Қарқаралы сияқты қалаларда болды. Осы сапарлардың демеушілері Қарағанды жол басқармасы болды.
Қайта құру және КСРО-ның кезеңінде орасан зор мемлекетінің құлау кезеңінде өнеркәсіп салалары әлеуметтік саладан бас тартты. Көптеген клубтар мен демалыс орталықтары сатылып кетті немесе кірпішпен бөлшектеліп кетті, көптеген сарапшылар мен менеджерлер шетелге кеткен. Теміржолшылар өз мәдениет сарайын өздері және балалары үшін сақтап қалды.
2001 жылы «Теміржолшылар мәдениет сарайы» «Қарағанды қаласының мәдениет және тілдерді дамыту бөлімі» мемлекеттік мекемесіне берілді. Жас тәуелсіз мемлекет қалыптасуының қиын кезеңінде мәдениет сарайының тобы басқару органдарымен белсенді жұмыс істеуді жалғастырды. Ірі шараларды өткізуге қаржылық көмек көрсететін теміржолшылармен байланыс үзілген жоқ.
«Теміржолшылар мәдениет сарайы» Қарағанды көлік басқармасымен бірге «Отан – 2004», «Жеңіс – 2005», «Түрксіб – 2006» пойыздарының мерейтойлық науқанына тікелей қатысты.
Көркемөнерпаздар шығармашылығының қатысушылары С.Б.Мұқанов, Ж.Қасымова, М.Шынкеева бір сахнада аттары әлемге әйгілі Қазақстан Республикасының Халық әртісі Ескендір Хасанғалиевпен өнер көрсетті.
Қазіргі уақытта «Теміржолшылар» мәдениет сарайы мемлекеттік коммуналдық кәсіпорын болып табылады. Меншіктің жалпы ауданы – 4764,2 м2. Үлкен аудитория мен кинотеатр залы, үйірме жұмысына арналған бөлмелер бар. Демалыс орталығында әр түрлі жас санаттарына арналған 24 шығармашылық топ жұмыс жасайды. Оларға қатысушылар саны – 1140 адам. «Халықтық» және «Үлгілі» атаулары бар жеті шығармашылық ұжым бар:
- «Магистраль» халықтық ардагерлер хоры;
- «Русские самоцветы» халықтық орыс әндерінің хоры;
- Халықтық үрмелі аспаптар оркестрі;
- «Коралл» үлгілі би ұжымы;
- «Терпсихора» бал билерінің ансамблі;
- «Арғынғазы» үлгілі домбырашылар ансамбілі;
- «Мальвина» үлгілі қуыршақтар театры.
Қазақстан Республикасы Тұңғыш Президентінің жолдауларын насихаттау мақсатында жасөспірімдер мен жастармен үлкен мәдени-бұқаралық жұмыстар жүргізілуде. Салауатты өмір салтын насихаттау, ЖИТС пен нашақорлыққа қарсы іс-шаралар, отбасылық мерекелер, конкурстық бағдарламалар, ұйымдар мен мекемелердің мерейтойлық және кәсіби мерекелері. Оқу жылының соңында шығармашылық ұжымдар есеп беру концерттерін, ал жыл басында ашық есік күндерін өткізеді. «Теміржолшылар» мәдениет сарайында – кәсіби жетекшілер мен өз істерінің мамандары жұмыс жасайды.
Адрес электронной почты: kgkpdkzh-2011@mail.ru
Инстаграм страница: @dk_jeleznodorojnikov_sortirovk
2019 жылы Теміржолшылар мәдениет сарайында «Шабыт-2019» аймақтық фестиваль-конкурсы, «Стартрек» халықаралық фестиваль-конкурсы, «Зажги свою звезду» эстрадалық әндер фестивалі, «Мен жұлдыз» республикалық фестиваль-конкурсы, «Ақ маржан» халықаралық фестиваль-конкурсы, Кеңес Одағының Батыры Нүркен Әбдіровтың туғанына 100 жыл толуына орай «Ерлік пен қаһармандық туралы» патриоттық әндер конкурсы өткізілді. «Жас сұңқар» патриоттық ән мен поэзия фестивалі. «Шабыт-2019», «Стартрек», «Мен жұлдыз», «Ақ маржан» фестиваль-конкурстарына өнер мектептерінің, жалпы білім беретін және мәдени мекемелердің шығармашылық ұжымдары қатысып, вокал, хореография, орындаушылық шеберлік, сән театры, көркем сөз номинацияларына қатысты. «Зажги свою звезду», «Жас сұңқар», «О доблесте и войне» фестивальдерінде академиялық және Эстрадалық вокал орындаушылары мен оқырмандар өздерінің шығармашылық қабілеттерін көрсете алды.
Үшінші жыл Теміржолшылар мәдениет сарайында брендтік іс-шаралар өткізілуде. Батырхан Шүкеновты еске алу кеші, Шәмші Қалдаяқовтың шығармашылық кеші, Мұқағали Мақатаевтың шығармашылық кеші өтті. Бұл іс-шараларға әуесқой және кәсіби орындаушылар қатысты. Бұл іс-шараларға көрермендер ретінде біздің халқымыздың мәдени мұрасы болып табылатын Қазақстанның белгілі мәдениет және өнер қайраткерлерінің өмірімен және шығармашылығымен, үздік туындыларымен танысатын жастар шақырылады. Әр іс-шараға 300-ге жуық адам қатысты.
