2025 жылғы 24 қаңтарда Қарағанды қаласының Кеншілер мәдениет сарайында маңызды мәдени шара – «Беу, туған жер!» ютуб жобасының, «Беу, туған жер!» атты балаларға арналған танымдық кітабы мен «Бұл – біздің жаңұя» бояу альбомының тұсаукесері өтті. Іс-шараны Қарағанды облысының мәдениет, архивтер және құжаттама басқармасының қолдауымен Облыстық ғылыми-әдістемелік демалыс және халық шығармашылығы орталығы ұйымдастырды.
«Беу, туған жер!» жобасы отбасыларды бірлескен шығармашылық арқылы біріктіруге бағытталған. Жобаның аясында жарық көрген кітаптың иллюстрациялары қазақ халқының ұлттық дәстүрлері мен Қазақстанның тарихи мұрасынан шабыт алып, отбасының қоғамның негізі ретіндегі маңызын айқындады. Әрбір парақ ата-аналар мен балаларды бірге уақыт өткізіп, ұлттық мәдениет құндылықтарын талқылауға шабыттандырады.
Іс-шара ютуб жобасының, балалар кітабы мен бояу альбомының таныстырылымымен басталды. Одан әрі бағдарлама С. Сейфуллин атындағы Қарағанды облыстық академиялық қазақ драма театрының актерлері қатысқан театрландырылған көрініспен жалғасты. Сонымен қатар, көрермендер «Нурби», «Қуаныш» және «Шолпан» үлгілі хореографиялық ұжымдарының жарқын өнерлерін тамашалады. Мерекелік кешті Қарағанды Академиялық музыкалық комедия театрының әртістері орындаған «Алиса ғажайыптар елінде» спектаклі аяқтады.
Тұсаукесер көрермендердің жүрегіне жылу сыйлады. Ата-аналар мен балалар кітап пен бояу альбомын қызығушылықпен қарап, оның мазмұнын талқылады. Жоба балалардың шығармашылық қабілеттерін дамытуға, қазақ дәстүрлерін насихаттауға және Қазақстанның табиғи мұрасының маңыздылығын түсінуге қосқан үлесі үшін жоғары бағаланды.
Бұл іс-шара шығармашылық пен бірліктің нағыз мерекесіне айналып, қатысушыларды мәдени құндылықтарды сақтап, болашақ ұрпаққа жеткізуге шабыттандырды.
