Мақсаты мен міндеттері
Әуесқой композиторлардың облыстық онлайн байқауы – талантты әуесқой композиторларды іздеу және қолдау, түрлі жанрлар мен бағыттардағы авторлық музыкалық шығармаларды насихаттау, Қарағанды облысы халқының шығармашылық әлеуетін ашу мақсатында өткізіледі.
Байқауды өткізу шарттары
Әуесқой композиторлардың облыстық онлайн байқауы 2022 жылдың 10 ақпаны мен 10 наурызы аралығында өткізіледі. Қорытынды шығару және марапаттау рәсімі 2022 жылдың 18 наурызын айында Кеншілер мәдениет сарайында өтеді.
Байқауға жас шектеулері қойылмайды.
Конкурс келесі номинациялар бойынша өткізіледі:
- Еркін тақырыптағы ән
- Балаларға арналған ән
- Отан туралы ән (патриоттық ән)
Байқауға қатысу үшін 1 әннің бейнежазбасын «Instagram» әлеуметтік желісінің жеке парақшасында шығарманың атауы мен авторын көрсете отырып жариялау қажет.
Жарияланымды #композиторысарыарки хэштегімен белгілеуді ұмытпаңыз.
Байқаудың Ұйымдастыру комитеті байқауға ұсынылған туындылардың авторлығына байланысты жауапкершілік көтермейді және наразылықтарды қабылдамайды.
Ұйымдастыру комитеті өтінімдер байқау туралы ереженің талаптарына сәйкес келмеген жағдайда оларды қабылдамауға құқылы.
Ынталандыру
Байқау жеңімпаздарына әр номинация бойынша Бас жүлде, І, ІІ, ІІІ орын, дипломдар мен ақшалай сыйақылар беріледі.
Қосымша мәліметтер
Өтінімдерді көрсетілген форма бойынша толтырып, әннің нотасы мен сөзін қоса жіберу керек.
Барлық сұрақтар бойынша облыстық мәдени-сауық және халық шығармашылығының ғылыми-әдістемелік орталығына хабарласуға болады.
100009 Қарағанды.қ, Бұқаржырау.д, 32
Телефон: 50-77-04, 42-50-95, жұмыс күндері сағат 09:00-ден 18:00-ге дейін.
Өтінімдерді nissaryarki@mail.ru почтасына жіберу қажет.
