2022 жылдың 12 – 28 қазан аралығында Қарағанды облысының мәдениет, архивтер және құжаттама басқармасының қолдауымен Қарағанды облысының аудандары мен қалаларының мәдениет үйлері мен мәдени-сауық орталықтары арасында «Сарыарқа әуендері» атты халық шығармашылығының облыстық байқауы өтті.
Байқаудын қазылар алқасы әр аудан мен әр қалаға барып өңірлердің ұйымдастырған сәндік-қолданбалы өнер және қазақ қолөнері көрмесінің, үздік көркемөнерпаздар ұжымдарының қатысуымен тақырыптық театрландырылған концерттік бағдарламалардын куәсі болды.
Байқау көркемөнерпаздар халық шығармашылығын одан әрі дамыту, Қазақстан халқының мәдени – мұрасын насихаттау, жаңа таланттарды анықтау, көркемөнерпаздар ұжымдарының орындаушылық шеберлігін арттыру, олардың репертуары мен сахна киімдерін жаңарту мақсатында өткізілді.
Байқауға Ақтоғай, Бұқар-Жырау, Шет, Осакаров, Нұра, Абай, Қарқаралы аудандарының және Қарағанды, Балқаш, Теміртау, Шахтинск, Саран қалаларының өнерпаздары қатысты. Жалпы саны 7 аудан мен 5 қала. Қатысушылар саны 300-ден астам.
13 қараша күні Кеншілер мәдениет сарайында, байқаудын үздік өнерпаздары мен үздік ұжымдарының қатысуымен «Сарыарқа әуендері» байқауының Гала-концерті және марапаттау рәсімі өтті.
Құрметті әділ-қазылар алқасының шешімі бойынша келесі жүлдегерлер анықталды:
Аудандар арасында:
Бас жүлде – Бұқар-Жырау ауданы;
- I орын – Осакаров ауданы;
- II орын – Ақтоғай, Нұра аудандары;
- III орын – Қарқаралы, Шет, Абай аудандары.
Қалалар арасында:
- I орын – Теміртау қаласы;
- II орын – Саран, Қарағанды қалалары;
- III орын– Балқаш, Шахтинск қалалары.
Барлық қатысушыларға дипломдар мен ақшалай сертификаттар табысталды.
